Fyrir naglann okkar Diljá Dís 💪🏻❤️

Við erum hópur vina og fjölskyldu sem tökum þátt í Reykjavíkurmaraþoninu 2025 til styrktar Styrktarfélagi krabbameinssjúkra barna (SKB) – í nafni hetjunnar okkar Diljár Dísar.

Diljá Dís þessi einstaka og hugrakka stelpa greindist með beinkrabbamein (osteosarcoma) síðasta haust. Hún hóf erfiða lyfjameðferð í nóvember og fór í stóra aðgerð í Svíþjóð í febrúar þar sem æxlið var fjarlægt. Í gegnum þessar krefjandi og erfiðu vegferð hefur hún sýnt mikinn styrk, jákvæðni, ótrúlegt baráttuþrek og brosi sem heillar alla❤️

SKB hefur staðið þétt að baki fjölskyldu hennar og veitt ómetanlegan stuðning á tímum þegar mest á reynir. Þess vegna viljum við með þessu hlaupi safna fjármunum til að félagið geti haldið áfram að hjálpa börnum og fjölskyldum þeirra sem standa frammi fyrir svipuðum áskorunum.

Við viljum hvetja alla til að vera með, hvort sem það er að hlaupa, labba eða „hlabba“ og/eða heita á okkur til að styrkja þetta mikilvæga málefni.

Allt framlag skiptir máli margt smátt gerir eitt stórt

Saman hlaupum við fyrir Diljá og öll börn sem glíma við krabbamein.