Börn með krabbamein, styrktarfélag var stofnað 1991 af foreldrum barna með krabbamein en árlega greinast 12-14 börn með krabbamein á Íslandi. Tilgangur félagsins er að styðja krabbameinssjúk börn og aðstandendur og gæta hagsmuna þeirra á öllum sviðum. Það sinnir fræðslu- og útgáfustarfsemi um sérstöðu og þarfir krabbameinsveikra barna og um síðbúnar afleiðingar eftir krabbameinsmeðferð. Félagið hefur einnig stutt starfsfólk Barnaspítala Hringsins til að efla sig faglega með þátttöku á ráðstefnum, námskeiðum og fundum. Börn með krabbamein er rekið fyrir sjálfsafla- og gjafafé og þakkar kærlega fyrir stuðning þeirra fyrirtækja, félaga og einstaklinga sem gerir því kleift að standa við bakið á skjólstæðingum sínum. Heimasíða félagsins er www.bornmedkrabbamein.is.

Hvatningarstöð félagsins í Reykjavíkurmaraþoni er vestan við Olís-stöðina í Ánanaustum.