Diljá Dís systir mín greindist með beinkrabbameini, osteosarcoma síðasta haust.
Í febrúar fór hún í stóra aðgerð í Svíþjóð þar sem æxlið var fjarlægt og hefur verið í erfiðri lyfjameðferð síðan í nóvember. Diljá Dís hefur tæklað þetta krefjandi og erfiða verkefni á ótrúlega hátt með jákvæðni og brosi sem heillar alla í kringum hana 🤩

Til að sýna henni og öllum öðrum börnum sem glíma við krabbamein, stuðning ætla ég að taka þátt í Reykjavíkurmaraþoninu í fyrsta sinn og hlaupa fyrir SKB – Styrktarfélag krabbameinssjúkra barna. Félagið hefur veitt fjölskyldunni okkar dýrmætan stuðning á þessum erfiðu tímum.

Ég vil hvetja alla til að taka þátt í Reykjavíkur Maraþoninu hvort sem það er að hlaupa, hlabba, eða labba og styrkja þetta mikilvæga málefni. SKB styður fjölskyldur í svipaðri stöðu og okkar og gerir gæfumun í baráttu sem enginn ætti að þurfa að fara í gegnum einn.