Þann 22. ágúst ætla ég aftur að taka þátt í Reykjavíkurmaraþoninu ásamt félögum mínum í 501st Legion Icelandic Garrison. Seinast fór ég skemmtiskokkið en í ár lengi ég vegalengdina og hleyp 10 km.

Við hlaupum til styrktar Vökudeild Barnaspítala Hringsins. Fyrir mig er valið á þessu málefni sérstaklega persónulegt. Dóttir mín, Heiða, kom í heiminn eftir aðeins 30 vikur og 5 daga meðgöngu. Í kjölfarið dvaldi hún í sex vikur á vökudeildinni. Á þeim tíma sáum við af eigin raun þá ómetanlegu og lífsnauðsynlegu umönnun sem starfsfólk deildarinnar veitir.

Hringurinn vinnur mikilvægt starf við að styðja við þessa deild og tryggja henni tækjakost. Ég yrði afar þakklátur fyrir öll áheit, stór sem smá, til að tryggja að vökudeildin geti haldið áfram að sinna fyrirburum og fjölskyldum þeirra af sama krafti.