Reykjalundur er ein mikilvægasta endurhæfingarstofnun landsins og órjúfanlegur hlekkur í heilbrigðisþjónustu. Á Reykjalundi njóta árlega á annað þúsund manns, af öllu landinu, endurhæfingar. Langflestir eiga afturkvæmt út á vinnumarkaðinn.

Hollvinasamtök Reykjalundar voru stofnuð af hópi fólks sem notið hefur endurhæfingar á Reykjalundi ásamt velunnurum með hlýjar taugar til starfseminnar á staðnum. Meginhlutverk samtakanna er að styðja við starfsemi Reykjalundar í samráði við yfirstjórn stofnunarinnar með fjáröflun og fjárstuðningi frá hollvinum og öðrum aðilum sem vilja leggja starfseminni aukið lið.