MS-félag Íslands er hagsmunafélag einstaklinga með MS, stofnað 20. september 1968. Tilgangur félagsins er að vinna að velferð þeirra sem haldin eru MS-sjúkdómnum með því að veita þeim og aðstandendum þeirra stuðning og stuðla að öflugri félags- og fræðslustarfsemi. Félagið er málsvari félaga gagnvart hinu opinbera og öðrum aðilum.

MS-félagið verður með opið hús og húllumhæ fyrir hlaupara og stuðningsaðila í MS-húsinu Sléttuvegi 5 í Reykjavík föstudaginn 22. ágúst milli kl. 14 og 19. Öll sem hlaupa fyrir félagið fá bol og pasta í þakklætisskyni.  Hér er hlekkur á fb hlaupahóp félagsins.

Hvatningarstöð MS-félagsins á hlaupdegi er við Olís Ánanaustum og í skemmtiskokkinu verðum við staðsett við Ráðhús Reykjavíkur á horni Vonarstrætis og Tjarnargötu.  Við ætlum að halda uppi rífandi stemmingu og þætti mjög vænt um að þú hægðir aðeins á þér svo við getum gefið þér fimmu 🫸

Gangi þér vel og áfram þú 💜 Ykkar styrkur er okkar stoð 💜