Taugalækningadeild Landspítalans veitir sérhæfða þjónustu til fólks með taugasjúkdóma, t.d Parkinsons, MS, MND, MG Guillian-Barré og þeirra sem hafa fengið heilablóðfall (slag). Mikil framþróun og uppbygging er í gangi á deildinni. Stefnt er á opnun sérstakrar slageiningar inn af deildinni í haust. Skjólstæðingar dvelja oft langdvölum á deildinni og því er mikilvægt að umhverfið sé hlýlegt og gott en nú í sumar var tekið í notkun aðstandendaherbergi og þessi styrkur mun nýtast vel í það að gera aðstöðu sjúklinga og aðstandenda hlýlegri og notalegri.