Til að tryggja sem bestu upplifun fyrir alla þátttakendur er mikilvægt að hófstillt upphaf og jöfn dreifing hlaupara séu í fyrirrúmi. Þar sem þátttakendur hlaupa á mismunandi hraða, og til að koma í veg fyrir þrengsli, árekstra eða erfiða frammúrtöku á fyrstu kílómetrunum, biðjum við alla þátttakendur að áætla sinn hlaupahraða og staðsetja sig í viðeigandi hraðahólfi fyrir ræsingu.
Í rásmarkinu verða skýrar merkingar fyrir hraðahólfin með litaflöggum og upplýsingum um áætlaðan lokatíma fyrir hverja vegalengd.
Rauða hraðahólfið er fyrir keppnishlaupara sem eiga möguleika á að vera í fremstu sætum í sinni vegalengd og eiga tíma sem er minni en 1:35 í hálfu maraþoni eða minni en 40 mínútur í 10 km hlaupi. Næst hraðastir fara í blátt hólf, síðan svart, svo hvítt og að lokum fjólublátt. Til þess að gæta öryggis allra þátttakenda þurfa þeir sem eru í hjólastól með og án fylgdarmanna og þeir sem hlaupa 10 km á meira en 65 mínútum, að hefja hlaup í aftasta hólfi. Þeir sem búa ekki yfir reynslu til að geta metið áætlaðan hraða sinn er einnig bent á að staðsetja sig í aftasta hólfi.
Í 10 km hlaupi er miðað við lokatíma á 10 mínútna bili í hverju hólfi. Maraþon og hálfmaraþon er ræst á sama tíma og blandast þátttakendur í hólfum án tillits til vegalengdar. Merking hólfa á við lokatíma í hálfmaraþoni. Þeir sem hlaupa maraþon taka mið af því út frá eigin markmiðum.
Hér má sjá mynd yfir hraðahólfin með litum og áætluðum lokatímum. Veldu hólf sem hæfir þínum hraða til að tryggja þægilegt og öruggt hlaup fyrir alla
Hraðastjórar verða staðsettir innan hraðahólfa, í vesti merkt með ákveðnum tíma og blöðrur þannig að auðveldara sé að finna þá í hópnum.
Nöfn hraðastjóra og tímar eru eftirfarandi:
10 km - hraðastjórar
40 mín
45 mín
50 mín.
55 mín.
60 mín.
65 mín.
70 mín.
21,2 km - hraðastjórar
1,30 klst.
1,35 klst.
1,40 klst.
1,45 klst.
1,50 klst.
1,55 klst.
2,00 klst.
42,2 km - hraðastjórar
3,30 klst.
3,45 klst.
4,00 klst.
