Ég hef hlaupið mörg hlaup um ævina.

En þetta hlaup verður öðruvísi.

Þann 22. ágúst ætla ég að hlaupa/hjóla 10 km í Reykjavíkurmaraþoninu fyrir dóttur mína, Sunnu Valdísi.

Sunna lifir með AHC, einum sjaldgæfasta og flóknasta taugasjúkdómi sem þekkist. Á hverjum degi þarf hún að takast á við áskoranir sem flest okkar getum varla ímyndað okkur. Samt heldur hún alltaf áfram og kennir mér á hverjum degi hvað raunverulegur styrkur er.

Þess vegna hleyp ég.

Ekki vegna þess að 10 km séu auðveldir, heldur vegna þess að ég vil leggja mitt af mörkum til að fleiri fjölskyldur fái von. Hvert skref sem ég tek er fyrir Sunnu og alla þá sem lifa með AHC.

Ef þú vilt styðja mig í þessu hlaupi geturðu heitið á mig. Hvert framlag rennur til AHC samtakanna og hjálpar okkur að styðja rannsóknir, fjölskyldur og baráttuna fyrir betri framtíð.

Takk fyrir að standa með okkur. Það skiptir meira máli en þú heldur. 💜