Ég ætla að hlaupa HÁLFMARAÞON í Reykjavíkur Maraþoninu þann 22. Ágúst. 

Ég hef aldrei hlaupið svona langt en ætla að leggja mig allann fram í hlaupið og vil líka láta gott af mér leiða. Fyrir stuttu greindist Baba, pabbi vinar míns með mjög alvarlegt 4. stigs krabbamein og stendur fjölskyldan nú frammi fyrir risastóru verkefni sem enginn óskar sér að takast á við. 

Ísak er einn minn besti vinur og litli bróðir hans Ismael er jafngamall Vigni litla bróður mínum og eru þeir líka mjög góðir vinir. Þessir flottu bræður eiga líka litla systir og ég óska þess svo innilega að allt muni ganga vel fyrir þau. 

Agnes og Baba eru frábærir foreldrar og eru alltaf á hliðarlínunni að klappa okkur strákana áfram – nú vil ég klappa þau áfram! 

Ljósið er endurhæfingar- og stuðningsmiðstöð fyrir fólk sem hefur greinst með krabbamein og aðstandendur þess. Þar fær fólk sérhæfða endurhæfingu og stuðning frá fagfólki sem aðstoðar við að byggja upp líkamlegt og andlegt þrek og styður við einstaklinga í að ná markmiðum sem bæta daglega virkni og lífsgæði. 

Flest okkar þekkjum einhvern sem hefur notið þjónustu Ljóssins og því langar okkur að leggja okkar af mörkum til þessa mikilvæga starfs. 

Ég skora líka á fleiri vini mína að koma með og skrá sig.