Hlauparar
Ævar Ólafsson
Hleypur fyrir Börn með krabbamein og er liðsmaður í Stuðningsliðið
Samtals Safnað
Markmið
Ákjósanleg greiðsluleið
Á síðasta ári breyttist lífið hjá fjölskyldunni okkar þegar barn okkar greindist með krabbamein.
Á þeim tíma kynntumst við starfi Börn með krabbamein og upplifðum af eigin raun hversu miklu máli stuðningurinn skiptir þegar mest á reynir.
Þess vegna langar mig að leggja mitt af mörkum og safna fyrir félagið í Reykjavíkurmaraþoninu.
Í ár geri ég það sem hluti af Stuðningsliðinu, átaksverkefni sem hefur það markmið að safna sem mest fyrir Börn með krabbamein og gera stuðninginn sýnilegan.
Fyrir hverjar 20.000 krónur sem safnast bætist eitt kíló við sem við berum í maraþoninu. Á kílóunum verða nöfn þeirra sem lögðu sitt af mörkum.
Þegar hámarksþyngd hópsins er náð heldur söfnunin áfram. Þá bætast nöfn nýrra styrktaraðila áfram við hlauparana, jafnvel þótt ekki bætist við fleiri kíló.
Kílóin eru táknræn.
Við berum þau í nokkrar klukkustundir.
Fjölskyldur barna með krabbamein bera sína byrði mun lengur.
Ef þú vilt kynna þér verkefnið betur geturðu heimsótt:
Takk fyrir stuðninginn.
Enginn ber þetta einn.
Börn með krabbamein
Börn með krabbamein, styrktarfélag var stofnað 1991 af foreldrum barna með krabbamein en árlega greinast 12-14 börn með krabbamein á Íslandi. Tilgangur félagsins er að styðja krabbameinssjúk börn og aðstandendur og gæta hagsmuna þeirra á öllum sviðum. Það sinnir fræðslu- og útgáfustarfsemi um sérstöðu og þarfir krabbameinsveikra barna og um síðbúnar afleiðingar eftir krabbameinsmeðferð. Hvatningarstöð félagsins er vestan við Olís-stöðina í Ánanaustum. Sjá viðburðinn: Hvatningarstöð SKB í Reykjavíkurmaraþoni https://www.facebook.com/events/1051078383502754
Nýir styrkir
