Ég ætla að rúlla 21km og reyna um leið að safna einhverjum aurum fyrir Neistann. Neistinn reyndist okkur ótrúlega vel - en yngri strákurinn okkar, Hrafn, fæddist með hjartagalla. Strax frá því að gallinn greindists í 20 vikna fósturhjartaómun - gripu bæði Hjartateymið á Barnaspítalanum og Neistinn okkur hratt og vel. 

Krummi fæddist með stóran VSD og sýndi frá fyrsta degi töluverð hjartabilunar einkenni sem jukust síðan jafnt og þétt. Hann fór í eftirlit 2-3 í viku, hjartaómanir, sondu uppsettningar og næringabætingar, vigtanir, endurmat á lyfjum og svo framvegis og framvegis. Krummi fór svo 2 mánaða í aðgerð í Lundi í Svíþjóð þar sem við dvöldum í 3 vikur. Neistinn hjálpaði okkur og styrkti í kringum ferðina - og mig langar að hjálpa þeim sem hjápuðu okkur. Neistanum, Hjartateyminu á Barnaspítalanum - hjúkrunarfræðingnum sem fer fyrir því, sem var okkur ómetanleg stoð og stytta í ótal mörgum spítalaheimsóknum fram að aðgerð og auðvitað hjartalæknunum okkar tveimur verðum við ævinlega þakklát.