Ljósið, endurhæfing fyrir krabbameinsgreinda

Safnast hafa 1.000 kr.

Ljósið er sjálfstætt starfandi endurhæfingar-og stuðningsmiðstöð sem vinnur að endurhæfingu og velferð þeirra sem greinast með krabbamein og aðstandenda þeirra. Þverfaglegur hópur fagaðila starfar á sviði heilbrigðis-og félagsþjónustu hjá Ljósinu. Markmið Ljóssins er að fólk fái sérhæfða endurhæfingu og stuðning, þar sem fagfólk aðstoðar við að byggja upp líkamlegt, andlegt og félagslegt þrek, auk þess að fá stuðning við að setja sér markmið sem auka daglega virkni og hafa þannig áhrif á lífsgæði almennt. Til að auka virkni og þrek býður Ljósið upp á fjölbreytta dagskrá eins og viðtöl, líkamlega endurhæfingu, sálfélagslegan stuðning, stuðning til vinnu og virkni auk jafningastuðnings.
Nánari upplýsingar á www.ljosid.is

Hlauparar eru hvattir til að koma í hlaupahópinn okkar á FacebookLjósið - Reykjavíkurmaraþon

Skráningarhátíð Reykjavíkurmaraþons – Fit & Run

Ljósið verður á Fit and Run, skráningarhátíð Reykjavíkurmaraþons, sem fer fram í Laugardalshöll í vikunni fyrir Reykjavíkurmaraþon. Þar munum við klára að afhenda þeim sem hlaupa fyrir Ljósið boli og kynna starfssemina fyrir gestum og gangandi.

Skráningarhátíðin er opin:
Fimmtudaginn 20. ágúst kl. 15-20
Föstudaginn 21. ágúst kl. 14-19

Aðgangur er ókeypis.

Hvatningastöð Ljóssins við JL húsið
Eins og sl. 14 ár verður Ljósið með hvatningarstöð fyrir neðan JL húsið við enda Hringbrautar. Þangað mætum við eldsnemma með blöðrur, gleði, hamingju og bros og hlökkum svo sannarlega til að sjá sem flesta stuðningsaðila koma og hvetja hlauparana okkar áfram. Við veðum mætt snemma. Ræst verður í hálfmaraþon kl. 8:30 og til að ná að hvetja sem flesta hlaupara gæti verið gott að mæta um kl. 9:30 en athugið að víða verða götur lokaðar á milli kl. 7-13, eins og sjá má á hér.

Hvatningastöð Ljóssins við Naustabryggju
Í ár bjóðum við ykkur að hvetja með okkur á tveimur stöðum í Reykjavíkurmaraþoninu. Auk okkar föstu viðveru við JL húsið blásum við til veislu við Naustabryggju líkt og í fyrra. 

Þar ætlum við að hækka í græjunum, mæta með hrossabrestina, pottana og pönnurnar, og tryggja það að allir þeir sem fara í heilmaraþon fái fullt af jákvæðri orku áður en þeir halda aftur í vestur í átt að marklínunni.

Þessi stöð er kjörin fyrir þau ykkar sem viljið hvetja með okkur og eruð í hverfum eða bæjarfélögum fyrir austan Ártúnsholt þar sem þið sleppið við lokanir sem og getið sofið örlítið lengur en við byrjum að hvetja upp úr 10:00 í Naustabryggjunni.

 

Í lok hlaupsins – endastöð
Við í Ljósinu verðum líka með endastöð eins og síðustu ár og það væri einstaklega gaman ef þið gæfuð ykkur örfáar mínútur til að kíkja þangað til okkar þegar þið verðið búin að hlaupa. Þar verðum við með smá orkubita, bros og myndavél og langar að fá að fagna með ykkur. Endastöðin verður til vinstri skömmu eftir að komið er í gegnum endahliðið – Þið þekkið okkur á fánanum.

Í hvað fer það sem safnast?
Í gengum árin hefur upphæðin sem safnast hefur í maraþoninu verið notuð í margvísleg verkefni eins og:

  • 2018 var strax felld niður gjaldtaka á hreyfingu í húsnæði Ljóssins og námskeiðsgjald í handverk.
  • 2019 felldum við niður allan námskeiðskostnað, felldum kostnað við kaffi og meðlæti, og fluttum nýtt hús á næstu lóð til að taka enn betur á móti öllum þeim fjöldsa sem sækir endurhæfingu til okkar. 

Í ár stefnum við að því að bæta húsa- og tækjakosti Ljóssins enn frekar en í upphafi árs var ljóst að maraþon upphæðin frá því í fyrra myndi ekki nægja til að klára vinnu við að standsetja nýja húsið. Allt sem safnast umfram það sem þar vantar upp á mun fara í endurbætur á "gamla" húsnæðinu, bæta tækjakost Ljóssins og mörg önnur verkefni sem okkur dreymir um að hrinda í framkvæmd. 

 

 

 

STÖÐUÞRÁÐUR HLAUPARA
Fjöldi Framlaga: 1
Fjöldi áheita
Samtals upphæð
1
1.000 kr.
0
0 kr.
0
0 kr.

Samfélagsmiðlar - #hlaupastyrkur