Einhverfusamtökin voru stofnuð 1977.  Í samtökunum er fólk á einhverfurófi,  foreldrar, fagfólk og aðrir sem áhuga hafa á velferð og málefnum fólks á einhverfurófi. Félagsmenn eru nú um 800.  Starfandi eru frístundahópar fyrir unglinga og stuðningshópar fyrir fullorðna bæði á Höfuðborgarsvæðinu og á Akureyri.  Einnig eru starfandi stuðningshópar fyrir foreldra.  Samtökin hafa lagt ríka áherslu á hagsmunagæslu, fræðslu- og kynningarstarfsemi.  Helstu baráttumálin eru styttri biðlistar eftir greiningu, aukin atvinnutækifæri og fleiri búsetuúrræði.  Einhverfusamtökin eru með skrifstofu í Reykjavík.  Heimasíða Einhverfusamtakanna er www.einhverfa.is .