Team
Orkusalan starfsfólk
Supporting Mindpower
Total collected
Goal
Preferred Payment Method
Starfsfólk Orkusölunnar er alla jafna í góðu stuði en við vitum líka að lífið getur verið alls konar. Þá er gott að til eru samtök eins og Hugarafl sem styðja fólk sem er að kljást við andlegar áskoranir. Hugarafl er samfélag jafningja sem styðja hvert annað, deila reynslu og efla geðheilsu með virðingu og von að leiðarljósi.
Orkusalan hefur stutt Hugarafl en nú ætlum við að leggja okkar af mörkum með því að hlaupa til styrktar þeim í Reykjavíkurmaraþoninu.
Fyrir okkur eru hlaupin frábær leið til að efla liðsandann, hreyfa okkur saman og peppa hvert annað áfram. Ef þú vilt heita á okkur styrkir þú um leið mikilvægt starf Hugarafls. Takk fyrir stuðninginn!
Mindpower
Hugarafl eru félagasamtök fólks sem hefur upplifað persónulega krísu og vinnur að persónulegum bata sínum. Við erum stærstu grasrótarsamtök fólks með andlegar áskoranir á Íslandi og látum rödd okkar heyrast varðandi geðheilbrigðismál. Félagið var stofnað árið 2003. Starfsemi Hugarafls er mótuð bæði af einstaklingum með persónulega reynslu af andlegum áskorunum (stundum kallað notendur) og einstaklingum með fagmenntun. Þátttaka í starfsemi Hugarafls er fyrir öll, 18 ára og eldri, sem hafa áhuga á að vinna í geðheilsu sinni á eigin forsendum. Starfsemin er algjörlega gjaldfrjáls, óháð búsetu og engin krafa er gerð um tilvísanir né geðsjúkdómagreiningar.
New pledges
