Við ætlum að hlaupa saman og safna áheitum fyrir Félagið Ísland - Palestína sem beitir sér fyrir því að Ísland leggi sitt af mörkum í baráttunni fyrir frjálsri Palestínu. 

Meira en 18þús palestínsk börn hafa verið myrt undanfarin tæp tvö ár og á hverjum degi deyja börn og saklausir borgarar því Ísrael hindrar flutning á nauðsynlegum hjálpargögnum og matvælum. Hvergi í heiminum eru fleiri börn sem misst hafa einn eða fleiri útlim og ríflega 10 börn missa annan eða báða fótleggi dag hvern. Spítalar eru flestir óstarfhæfir og heilbrigðisstarfsfólk starfar við hrikalegar aðstæður.

Við biðlum til íslenskra stjórnvalda að krefjast þess að alþjóðleg mannúðarlög séu virt. Börnin á Gaza eru okkar börn.