Takk heimilið í Oyugis, Homa Bay-sýslu í Keníu, var stofnað árið 2019 utan um fáein munaðarlaus börn, með það að markmiði að sinna helstu þörfum þeirra; fæði, klæði, húsnæði, heilbrigði og menntun. Börnin sem búa á heimilinu koma flest úr mikilli fátækt og eiga mörg hver að baki þunga áfallasögu.

Ég heimsótti heimilið og fékk að sjá og skynja það mikilvæga starf sem þar hefur verið unnið allt frá stofnun þess. Í dag búa yfir fimmtíu börn á Takk heimilinu. Þar er einnig rekinn skóli með fjölbreyttu námi og tómstundastarfi, því menntun skapar börnunum tækifæri til bjartari framtíðar.

Karate er stundað af miklum áhuga og þar er lögð áhersla á aga, sjálfstjórn, virðingu og traust. Með æfingunum eflist einnig innri styrkur barnanna, það er dýrmætt veganesti sem þau geta tekið með sér út í lífið. Velgengni heimilisins byggir að langmestu leiti á framlagi einstaklinga, sem hafa kynnst starfinu í gegnum fb síðu Bjartrar sýnar. Facebook