Ég ætla að hlaupa til styrktar áframhaldandi endurhæfingu bróðursonar míns, Magnúsar Mána💙

Eftir stutt veikindi sumarið 2023, sem lýstu sér með háum hita, hálsbólgu og hósta, missti hann skyndilega mátt fyrir neðan bringu. Þá var hann aðeins 13 ára gamall.

Magnús hefur verið í krefjandi endurhæfingu bæði hér heima og samtals 26 vikur í Madríd þar sem hann hefur fengið aðgang að nútíma sérhæfðri og hátæknivæddri endurhæfingu sem hefur stutt mikið við bataferlið. Endurhæfing sem stendur ekki til boða heima á Íslandi. Heildarkostnaður við endurhæfingu, sérfræðiaðstoð, hjálpartæki, ferðir og allt það sem til hefur þurft, er kominn í um 40 milljónir króna. Íslenska ríkið hefur aðeins tekið þátt í þeim kostnaði að örlitlum hluta.

Þrátt fyrir allt sem hann hefur gengið í gegnum er Magnús alltaf brosandi og ótrúlega duglegur. Hann gefst aldrei upp og leggur sig allan fram.

Ég er svo ótrúlega stolt af honum og væri þakklát ef þið hafið tök á að heita á mig.

Áfram Magnús Máni ❤️