Ég er búinn að vera formaður Kyndils frá því í mars 2023. Þetta er búið að vera mjög gefandi hlutverk og jafnframt krefjandi. Að koma fólki til bjargar þegar það lendir í óvæntum og erfiðum aðstæðum er afar góð tilfinning. Sjálfboðastarf til góðgerðamála er eitthvað sem ég mæli eindregð með að sem flestir kynni sér. Við í björgunarsveitinni Kyndli erum alltaf að vinna að því að efla sveitina með kaupum á hverskyns búnaði til björgunarstarfa og hyggjumst núna endurnýja Patrol jeppann okkar sem kominn er til ára sinna. Ég vona að sem flestir sjái sér fært að heita á mig og munum að margt smátt gerir eitt stórt.