Síðasta haust setti ég mér markmið að byrja að hlaupa og læra að hafa gaman af því.

Frá því í september 2025 hef ég stundað útihlaup. Ég hef hlaupið í allskonar veðrum og meira að segja um allan heim. Eftir 40 ár get ég núna LOKSINS sagt að mér finnist í alvöru gaman að fara út að hlaupa.

Það er ekki sjálfgefið að geta farið út að hlaupa yfir höfuð og meðan ég er svo lánsöm að hafa heilsuna og getu til þess ætla ég að halda því áfram.

Eitt af markmiðunum sem ég setti mér líka þegar ég byrjaði var að taka þátt í Reykjavíkurmaraþoninu, bæta tímann minn frá fyrri árum og um leið láta gott af mér leiða með því að hlaupa fyrir gott málefni.

Þegar ég sá að stofnaður hafði verið hlaupahópur í nafni Sifjar til styrktar MND-félaginu vissi ég strax að það væri málefni sem ég vildi styðja. MND er sjúkdómur sem getur svipt fólk getu sem flest okkar tökum sem sjálfsagðan hlut, þar á meðal getu til að hreyfa sig.

Ef þú hefur tök á því að heita á mig, stórt eða smátt, þá væri það mér og þessu mikilvæga málefni mikils virði. Hvert framlag skiptir máli.