Þriðja árið í röð ❤️

Þann 22. águst ætla ég enn á ný að taka þátt í Reykjavíkurmaraþoninu ásamt frábærum félögum mínum í 501st Legion Icelandic Garrison.

Árið 2024 hljóp ég hálft maraþon (21,1 km) í búning.

Árið 2025 kláraði ég mitt fyrsta heilmaraþon (42,2 km) í búning.

Í ár verður markmiðið aðeins öðruvísi. Ég hleyp 10 km í búning.

Ástæðan er einföld. Ég hef ekki enn náð mér að fullu eftir meiðslin sem ég varð fyrir í maraþoninu í fyrra. Auðvitað hefði ég viljað fara aftur í lengri vegalengd, en stundum felst stærsta áskorunin í því að hlusta á líkamann og leyfa honum að jafna sig.

Það sem skiptir þó mestu máli er ástæðan fyrir hlaupinu.

Í ár hlaupum við til styrktar Vökudeild Landspítalans ❤️

Vökudeildin sinnir fyrirburum og nýburum sem þurfa á sérhæfðri umönnun að halda, ásamt því að styðja fjölskyldur þeirra á erfiðum tíma.

Ef þið hafið tök á því að styðja mig yrði ég óendanlega þakklátur fyrir allan stuðning, hvort sem það er með áheiti eða einfaldlega hvatningarorðum á hlaupadeginum.