Ég ætla að hlaupa 10 kílómetra í Reykjavíkurmaraþoninu fyrir Magnús Mána vin minn, við erum búnir að vera vinir síðan í leikskóla og erum saman í bekk, og æfðum saman fótbolta og handbolta. 

Sumarið 2023 lenti hann í erfiðum veikindum, missti mátt og skynjun frá bringu og niður. Síðan þá hefur hann verið í mjög stífri og krefjandi endurhæfingu marga klukkutíma á dag, mun meira en flest íþróttafólk gerir.

Magnús Máni hefur æft fótbolta með Breiðablik síðan hann var lítill og m.a. þaðan hefur hann þann mikla dugnað, seiglu, þolinmæði, þrautseigju og styrk til að takast á við þetta krefjandi verkefni.

Magnús Máni hefur þrisvar sinnum farið erlendis og dvalið í margar vikur í senn við endurhæfingu. Sjúkratryggingar Íslands taka einungis að mjög litlum hluta þátt í kostnaðinum við endurhæfinguna og þess vegna vil ég leggja mitt af mörkum.

Magnús Máni er fyrirmynd okkar allra!

Takk kærlega fyrir stuðninginn,

Áfram Magnús Máni!