Ég hleyp fyrir Neistinn – styrktarfélag hjartveikra barna sem hefur reynst okkur fjölskyldunni vel í gegnum ferlið með Sigfús Orra. 

Sigfús Orri hefur gengist undir fjórar hjartaaðgerðir í Svíþjóð, og á þeim tíma fannst okkur mikið öryggi felast í því að hafa stuðning frá félagi sem skilur aðstæður okkar. Neistinn hefur veitt okkur bæði hagnýtar upplýsingar og hlýjan stuðning. Það er dýrmætt að finna fyrir samhug frá öðrum sem hafa gengið í gegnum svipaða reynslu.

Við erum mjög þakklát fyrir starfsemi Neistans og það sem félagið hefur gert fyrir okkur og aðrar fjölskyldur í svipuðum sporum.