Ég hleyp fyrir Snædísi fyrir Neistann!

Snædís greindist með hjartagallann VSD í 5 daga skoðun sem var mikið sjokk. Í VSD er op á milli slegla sem þýðir að það er gat í veggnum sem aðskilur neðri hjartahólfin.  

Eftir greininguna var mikil óvissa og stöðugt eftirliti hjá hjartalækni. Snædís byrjaði snemma að fá fylgikvilla og þurfti að fara á lyf og fyrsta árið var hún oft og mikið veik. Snædís var líka orku minni og þurfti meiri örvun til að koma sér af stað og var því í sjúkraþjálfun 1x í viku.   

Þegar hún var 1 árs komu upp alvarlegri fylgikvillar af hjartagallanum og því var ákveðið að fá álit hjá sérfræðingum í Svíþjóð hvað ætti að gera.  

Eftir að læknarnir í Svíþjóð fengu málið til sín var ákveðið að hún þyrfti að fara út í opna hjartaaðgerð. Við flugum út nokkrum dögum fyrir aðgerð til að fara í rannsóknir. Það er ekki hægt að koma því í orð hvernig er að skilja barnið sitt eftir á skurðarborðinu.  

Bataferlið hennar Snædísar gekk vonum framar, hún var einn sólarhring á gjörgæslu og síðan viku á hjartadeildinni.   

Í svona ferli skiptir bakland öllu máli. Við og Snædís erum mjög heppin enda með stórt og gott bakland.  

Neistinn veitir fjölbreyttan stuðning til fjölskyldna hjartveikrabarna og erum við þakklát fyrir þeirra mikilvæga starf.