Ég hleyp fyrir Gleym Mér Ei, styrktarfélag fyrir foreldra sem verða fyrir missi á meðgöngu eða við fæðingu. Ég ætla að hlaupa í minningu bróðurdóttur minnar, Úlfheiðar, og sem stuðningur við foreldra hennar, Úlf og Thelmu. Ég sá með eigin augum hversu dýrmætur stuðningur Gleym Mér Ei var fyrir þau á einni erfiðustu stund lífsins - þegar þau þurftu að kveðja dóttur sína áður en lífið með henni gat hafist. 

Með því að hlaupa langar mig að vekja athygli á þessu málefni sem lítið er talað um en snertir svo mikið fleiri en við höldum. ...En auðvitað líka að safna pening til að geta stutt Gleym Mér Ei við að halda áfram þessu mikilvæga og fallega starfi.