Klappstýrur Bríetar– Hlaupum saman fyrir Félag krabbameinssjúkra barna!

Elsku vinir, fjölskylda og allir sem vilja leggja sitt af mörkum 🤍

Elsku Bríet Klara okkar stendur frammi fyrir i baráttu eftir að hún greindist nýlega með krabbamein.

Það stóð til að senda Bríeti í lyfjameðferð en kom í ljós að þessi tegund krabbameins svarar illa meðferð. Við vorum því send beint til Svíþjóðar þar sem Bríet fór í aðgerð þar sem krabbameinið var fjarlægt. Við bíðum enn frétta um hvort hún þurfi að fara í geislameðferð en vonandi erum við laus við þennan fjanda fyrir fullt og allt.

Til að styðja við Bríeti og önnur krabbameinssjúk börn viljum við safna 1 milljón króna fyrir Félag krabbameinssjúkra barna sem veitir ómetanlegan stuðning á þessum erfiðu tímum.

Við hvetjum ykkur öll til að taka þátt í styrktarhlaupinu okkar, hvort sem þið hlaupið, hlabbið, labbið, skokkið eða styðjið með framlögum! Hvert skref og hver króna skiptir máli í þessari baráttu.

Tökum höndum saman elsku klappstýrur Bríetar og hjálpum Félagi krabbameinssjúkra barna að aðstöðu fjölskyldur í þessarri stöðu.

Fyrirfram þakkir,

Helga, Björn, Bríet Klara, Sigyn Mjöll, Reynir Logi og Mosi (voffi)