Ég hleyp fyrir Píeta samtökin í þriðja skiptið af því að ég trúi á mikilvægi þeirra. Ég þekki hvernig er að sjá ekki útúr myrkrinu og þá er ómetanlegt að hafa stað þar sem hjálp og öryggi er að finna. En ég þekki líka hvernig er að sjá heiminn með hjartanu og fyrir það, lífið og dóttur mína hleyp ég og ætla að gera um ókomin ár.

Hver sem er getur heitið á þá sem hlaupa fyrir góð málefni í Reykjavíkurmaraþoni Íslandsbanka upphæð að eigin vali. Þannig er hægt að hvetja hlauparana til dáða og láta jafnframt gott af sér leiða.