Ægir Þór Sævarsson er 6 ára strákur á Höfn í Hornafirði. Hann er með Duchenne vöðvarýrnunarsjúkdóm sem er afar sjaldgæfur. Sjúkdómurinn hefur þau áhrif í stuttu máli að allir vöðvar líkamans rýrna og fljótlega á grunnskólaaldri er líklegt að Ægir muni ekki geta gengið sjálfur. Síðar í ferlinu mun sjúkdómurinn hafa áhrif á hjartað og öndunarvöðva. Flestir sem þjást af Duchenne vöðvarýrnun látast af völdum sjúkdómsins seint á unglingsaldri eða á þrítugsaldri.
Ægir er einn af fáum sem þjást af þessum sjúkdómi Vonin er hans eina vopn eins og staðan er í dag, og mun allur ágóði fara í rannsóknir til að finna lækningu.
Hver sem er getur heitið á þá sem hlaupa fyrir góð málefni í Reykjavíkurmaraþoni Íslandsbanka upphæð að eigin vali. Þannig er hægt að hvetja hlauparana til dáða og láta jafnframt gott af sér leiða.