Að missa fóstur er ein erfiðasta lífsreynsla sem ég hef því miður þurft að upplifa oftar en einu sinni. Að heyra lítinn hjarslátt slá inní þér og gera framtíðarplön með þetta litla líf er dásamlegt og því er það gríðarlegt áfall þegar litla hjartað hættir að slá. Það er aldrei hægt að undirbúa sig undir þennan sársauka, sársauki sem mun alltaf fylgja manni. Í ár hleyp ég til minningar um elsku Evu okkar. Lítið frænku ljós sem fæddist eftir 21. vikna meðgöngu. Sorgin að fá ekki að elska hana, knúsa og leiða í gegnum lífið er mikil. Eva mun alltaf eiga stóran stað í hjörtum okkar. Það er okkar einlæga von að með okkar styrkjum sé hægt að aðstoða fleiri sem þurfa fara í gegnum þessa gríðarlegu sorg.

Hver sem er getur heitið á þá sem hlaupa fyrir góð málefni í Reykjavíkurmaraþoni Íslandsbanka upphæð að eigin vali. Þannig er hægt að hvetja hlauparana til dáða og láta jafnframt gott af sér leiða.